Jashtë, gabimi nuk falet. Një ndriçues i gabuar nuk prishet menjëherë — prishet pas dimrit të dytë, kur skela ka ikur dhe kopshti është mbjellë.
Nën strehë, i mbrojtur nga shiu i drejtpërdrejtë: IP44 mjafton. I ekspozuar ndaj shiut: IP65. Në tokë, ku mblidhet ujë: IP67. Nën ujë: IP68. Këto nuk janë kategori marketingu — janë testime, dhe një ndriçues IP44 i vendosur në një shteg kopshti do të mbushet me ujë. Në praktikë, dështimi vjen më shpesh nga kabllo dhe kutia e lidhjes sesa nga vetë ndriçuesi.
Step light në shkallë dhe mure të ulëta, që drita të bjerë poshtë dhe të mos të verbojë. Bollardë përgjatë shtigjeve. Spike mes gjelbërimit, të drejtuar nga poshtë lart mbi një pemë ose një mur guri. Ndriçues toke aty ku asgjë nuk duhet të dalë mbi sipërfaqe. Aplikë muri te hyrjet dhe fasadat. Shtylla për parkingje dhe hapësira publike. Rregulli është një: sytë duhet të shohin sipërfaqen e ndriçuar, jo burimin.
Ajri me kripë e ha aluminin e pambrojtur brenda pak sezonesh. Në Dhërmi, në Gjirin e Lalzit dhe në Durrës kërkohen materiale dhe trajtime të tjera — alumin me veshje të posaçme, inox AISI 316, ose materiale komozite. Një ndriçues i mirë për Tiranën nuk është domosdoshmërisht i mirë për bregdetin, dhe kjo duhet thënë para blerjes, jo pas saj.
Jashtë, syri e sheh kontrastin, jo sasinë. Një kopsht me pak pika të zgjedhura duket më i madh dhe më i qetë se një i mbushur me dritë. Dhe drita që shkon drejt qiellit ose drejt dritares së fqinjit është dritë e humbur — në projekt përcaktohet edhe këndi, jo vetëm pozicioni.
Njëzet e dy projekte me pjesë të jashtme: terraca mbi det te Luciano Dhërmi dhe Arti’s Blue Relax, pergola te Kai Beach House, kopsht dhe pishinë te Vila te Gjiri i Lalzit, dhe ndriçues toke te Dot Lounge.
IP65 për ndriçues mbi tokë dhe IP67 për ata të vendosur në tokë, ku mblidhet ujë. Rreth pishinës dhe brenda saj, IP68 me kabllo të së njëjtës klasë.
Vetëm ata të bërë për këtë qëllim. Për projekte bregdetare zgjedhim materiale dhe trajtime të dedikuara, dhe kjo ndryshon si zgjedhjen ashtu edhe koston — prandaj vendndodhja është gjëja e parë që pyesim.
Po, por me kufizime: kalimi i kabllove nëpër një kopsht të mbjellë ose nën një shteg të shtruar është punë ndërtimi. Nëse projekti është ende në fazë, vendosja e tubave bosh tani kushton shumë pak dhe hap gjithçka më vonë.
Na dërgoni planimetrinë ose disa foto. Ju themi çfarë i duhet hapësirës — jo çfarë ndodhet në katalog.
