Në një zyrë, drita e keqe nuk shihet. Ndihet — në fund të ditës, si lodhje syri dhe koncentrim që bie.
Standardi kërkon rreth 500 lux mbi sipërfaqen e punës, dhe kjo arrihet lehtë. Ajo që nuk arrihet lehtë është të mbahet burimi i dritës jashtë fushës së shikimit dhe jashtë pasqyrimit në ekran. Kjo matet me UGR, dhe për zyra kërkohet nën 19. Paneli i lirë 60x60, me sipërfaqe të sheshtë të ndritshme, pothuajse gjithmonë e kalon atë kufi — dhe kjo është arsyeja pse dikush e ndien zyrën të lodhshme pa e ditur pse.
Hapësira e hapur e punës do dritë të njëtrajtshme dhe pa hije të forta. Salla e mbledhjeve do dritë mbi tavolinë plus mundësi uljeje për prezantime. Recepsioni do dritë që e bën markën të duket mirë — aty ndriçimi është imazh, jo funksion. Dhe korridoret duan dukshëm më pak se ç’u jepet zakonisht. Trajtimi i të gjithave njësoj është arsyeja pse shumë zyra janë njëkohësisht të mbindriçuara dhe të pakëndshme.
Profilet lineare të varura janë bërë zgjidhja standarde për zyrat sepse bëjnë tri gjëra njëherësh: japin dritë të njëtrajtshme poshtë, ndriçojnë tavanin lart që hapësira të mos duket e ulët, dhe vizatojnë gjeometrinë e zyrës. Te Mazars dhe Union Bank pikërisht profilet e mbajnë të gjithë projektin.
Ndriçimi është një nga zërat më të qëndrueshëm të energjisë në një zyrë, sepse punon tetë orë çdo ditë pune. Sensorët e lëvizjes në korridore, tualete dhe depo, dhe rregullimi sipas dritës natyrale pranë dritareve, e ulin atë ndjeshëm pa asnjë ndikim te përdoruesi. Këto kërkojnë vetëm që kabllimi të mendohet që në fillim.
Gjashtëmbëdhjetë projekte: Mazars, Union Bank, Kolegji i Evropës, Ambasada e Paqes, Tirana Office Kadiu, Zyrat e Dompè dhe të tjera. Në secilën puna nis nga planimetria e vendeve të punës — jo nga tavani.
Po. Për zyra bëjmë simulim me DIALux, që nivelet dhe uniformiteti të verifikohen para se të blihet gjë. Për projekte me kërkesa standardi, kjo është e domosdoshme.
Shpesh po, dhe me ndërhyrje të vogla: zëvendësimi i paneleve me verbim të lartë me modele UGR<19, shtimi i dritës në tavan, dhe ndarja e qarqeve pranë dritareve.
Po. Në shumicën e projekteve të zyrave hyjmë si pjesa teknike e ndriçimit brenda projektit të studios ose të sipërmarrësit, duke mbuluar kalkulimin, specifikimin dhe furnizimin.
Na dërgoni planimetrinë ose disa foto. Ju themi çfarë i duhet hapësirës — jo çfarë ndodhet në katalog.
