Spoti është ndriçuesi më i përdorur dhe më i keqpërdorur. Shumica e tavaneve kanë dy herë më shumë spote se ç’duhen, të vendosur aty ku nuk duhen.
Një spot me kënd të ngushtë, rreth 24 gradë, nxjerr një objekt — një pikturë, një produkt, një mur guri. Një me kënd të gjerë, 60 gradë e lart, mbush hapësirën. Shumica e tavaneve në Shqipëri kanë vetëm të dytin, të shpërndarë në rrjet, dhe rezultati është një dhomë e ndritshme pa asnjë pikë interesi. Rrjeti uniform nuk është projekt ndriçimi — është një plan elektrik.
Nëse burimi i dritës shihet direkt kur je ulur, spoti është i gabuar. Spotet e mira e kanë LED-in të tërhequr thellë brenda trupit, me reflektor ose kon të errët, pikërisht që të mos shihet. Kjo është diferenca e vërtetë mes një spoti të lirë dhe një profesional — jo fuqia, por sa e fsheh burimin. Në zyra kjo matet me UGR; në një restorant ose dhomë ndenjeje matet me sy, dhe ndihet menjëherë.
Me GU10 llamba ndërrohet vetë, pa elektricist, dhe mund të ndryshosh temperaturë ose kënd më vonë. Me LED të integruar ndriçuesi është më i hollë, më i heshtur vizualisht dhe zakonisht më efikas, por kur mbaron zëvendësohet i tëri. Për një shtëpi zakonisht këshillojmë GU10. Për retail dhe projekte ku pamja ka përparësi, të integruarit.
Shtatëdhjetë e nëntë projekte — kategoria më e madhe në portofolin tonë. Spote inkaso me kënd të ngushtë mbi vitrinat te Teuta Gold dhe Argjendari Algi, spote shine te Altin Mici Atelier dhe Mattis Hotel, dhe spote të ngushta mbi tavolinat te Hortus Hotel.
Më pak se ç’mendoni, nëse ka edhe shtresa të tjera drite. Numri nuk del nga një formulë për metër katror, por nga ajo çfarë duhet ndriçuar: bankoja, tavolina, piktura, korridori. Pjesa tjetër e tavanit mund të mbetet bosh.
Për ambiente banimi dhe restorante, 2700K deri 3000K. Për zyra dhe klinika, 4000K. Kryesorja është të mos përzihen dy temperatura në të njëjtën hapësirë — kjo është gabimi që duket më shumë se çdo tjetër.
Zakonisht po, nëse diametri i vrimës përputhet ose është pak më i vogël se i spotit të ri. Prandaj matja e diametrit ekzistues është gjëja e parë që kërkojmë kur bëhet fjalë për zëvendësim.
Na dërgoni planimetrinë ose disa foto. Ju themi çfarë i duhet hapësirës — jo çfarë ndodhet në katalog.
