Pjesa e vetme e një instalimi ndriçimi që askush nuk e sheh, dhe e para që e prish atë kur zgjidhet keq.
Shiritat LED dhe shumica e profileve punojnë me tension konstant, zakonisht 12V ose 24V. Spotet, panelet dhe shumica e ndriçuesve profesionalë punojnë me rrymë konstante, e shprehur në miliamperë. Të dyja quhen "transformator" në gjuhën e përditshme, por nuk janë të këmbyeshme: lidhja e gabuar ose nuk ndez asgjë, ose djeg ndriçuesin.
Driveri llogaritet mbi ngarkesën totale plus rreth njëzet për qind. Një driver që punon gjithë kohën në kufirin e vet nxehet, dhe nxehtësia është arsyeja numër një pse bie. Rezerva shërben edhe për ndriçuesin që do të shtohet më vonë — dhe ai gjithmonë shtohet.
Një driver jo i dimmueshëm nuk bëhet i dimmueshëm më vonë. Dhe një i dimmueshëm i papërputhur me çelësin dridhet ose ndalon para se drita të ulet vërtet. TRIAC punon me dimmerat e murit dhe është zgjidhja e zakonshme në banesa. 0-10V dhe DALI përdoren në projekte ku ka skena, zona dhe kontroll qendror. Zgjedhja bëhet bashkë me projektin elektrik.
Diku ku arrihet pa prishur tavanin. Një driver i mbyllur përgjithmonë brenda gipsit do të thotë se, kur të bjerë — dhe do të bjerë para se të bjerë LED-i — hapet tavani. Vendoset në një kuti inspektimi, në kuadër ose mbi një tavan të lëvizshëm, me ajrosje. Kjo është ndoshta këshilla më e lirë dhe më e injoruar në gjithë instalimin.
Pothuajse gjithmonë sepse driveri dhe dimmeri nuk përputhen, ose sepse ngarkesa është nën minimumin që kërkon dimmeri. Zgjidhet duke përputhur çiftin, jo duke ndërruar ndriçuesit.
Po, nëse shuma e fuqive të tyre plus rezerva rri brenda kapacitetit dhe të dy janë i njëjti tension. Por nëse duhen ndezur veç e veç, duhen dy qarqe — dhe shpesh dy drivera.
Një driver cilësor, i dimensionuar me rezervë dhe i ajrosur, zgjat sa vetë LED-i. Një i mbingarkuar ose i mbyllur pa ajër mund të bjerë brenda dy vjetësh.
Na dërgoni planimetrinë ose disa foto. Ju themi çfarë i duhet hapësirës — jo çfarë ndodhet në katalog.